Jan 14 , 2021
0 Comments
Peaberry Coffee البيبري
هل سمعت عن نوع بن إسمه Peaberry ؟ أو Caracol بالاسباني
العادي إن ثمرة القهوة الأساسية بتكون مدورة مثل الكريز وبيخرج منها بذرتين دول بقة هم البن اللي بيتجفف ويتحمص بعد كده .
لكن أحيانا بيخرج بذرة واحدة بس ...هي دي بقة ال Peaburry .
البي بيري نادرة 10% فقط من كل أنواع البن عشان كده غالية طبعا - الحباية صغيرة ومدورة وده بيخليها تتحمص بسهولة وبطريقة متجانسة .
طيب دي موجودة فين وإيه خصائصها أو ميزتها عن باقي البن ؟
موجودة في كل الانواع تقريبا .
بيكون فيها كافيين أعلي من غيرها من أنواع البن + فيها فوائد أكثر من غيرها لأنها زي ما قولنا تطورت (تطور طبيعي ) من بذرتين لبذرة واحدة تجمع مميزات أكثر عن باقي البذور.
مميزاتها
لأن الحباية دي طلعت لواحدها فخدت الخير كله بتاع الثمرة ..ليها أروما وريحة مميزة قوية -الحموضة متوسطة والقوام تقيل ومسكرة أكثر وده شيء نادر في القهوة وطعم افضل وفيها فوائد غذائية اكثر من غيرها .
بيسموها شامبانيا القهوة .
