Jan 14 , 2021
0 Comments
V60 drip coffee
ال V60 اتصمم في اليابان من شركة Hario
ودي من أكبر الشركات في عالم أدوات القهوة.
ال V60 في رأيي من افضل ادوات شرب القهوة المختصة بطريقة ال brew coffee او زي ما بنسميها الفلتر كوفي.
عشان تعمل كوب قهوة مظبوط وتستمتع بالنوتس المختلفة للقهوة لازم ادوات ال V60 وهي :
١- البن ..وطبعا يفضل قهوة مختصة زي الاثيوبي والكيني وبعض انواع التنزاني ...الافريقي مميز في الفلتر لوجود نوتات الفواكه الحمضية..برتقال او ليمون واحيانا شيكولاتة .
٢- ميزان رقمي حساس 0.1 بتايمر .
٣- فلاتر زي فلاتر هاريو ...صدقني الموضوع مختلف تماما لو جربت فلاتر غيرها.
٤-السيرفر او الدورق اللي بيكون تحت ال V60 .
وطبعا ال V60 نفسها
طريقة إعداد القهوة سهل تلاقي ليها فيديو . ...زمن العمل عادة ٣ دقايق
كمية البن بتكون من ١٥ ل ٢٠ جرام ...والمياه من ٢٠٠ ل ٣٠٠ ل ٣٥٠ حسب تفضيلك .
درجة حرارة المياه ما بين ٩٠ ل ٩٦.
طحنة البن تعتبر ميديم.
لازم تسخن الادوات بمياه ساخنة وتمر من الفلتر وبعد كده تترمي.
هل تستاهل ال V60 اشتريها من برة هي والفلاتر والادوات ؟
طبعا تستاهل ..طريقة شرب قهوة وإحساس مختلف تماما بطعم القهوة..حاليا بقت اساسي مع الاسبريسو بالنسبة لي .
اعتبر نفسك بتشتري مكنة قهوة جديدة ..بس لل تقارن اي مكنة كهربائية بطريقة ال V60 لأن عمرها ما هتديلك نفس النتائج العظيمة بتاعت ال V60.
استخدم ال V60 البلاستيك ولا البورسلين ؟
النوعين ينفعوا لكن تفضيلي الشخصي ورأي جيمس هوفمان استخدم البلاستيك لأنه بيحتفظ بالحرارة
